Futbollisti shqiptar realizon perlën në Ligën e Konferencës

Adrion Pajaziti ka shkëlqyer me fanellën e Hajduk Splitit, duke realizuar një gol spektakolar në fitoren 6-2 ndaj Zalgirisit në Ligën e Konferencës.

Mesfushori shqiptar shënoi golin e tretë të skuadrës kroate me një goditje të jashtëzakonshme, duke e dërguar topin në cepin e portës dhe duke lënë të shtangur portierin kundërshtar.

Pajaziti ishte një nga protagonistët e fitores së thellë të Hajdukut, i cili tashmë ka krijuar një avantazh të madh për të avancuar më tej në garë.

Një eurogol i vërtetë nga talenti shqiptar!