Gjiganti anglez nis zyrtarisht negociatat për transferimin e Julian Alvarez

Arsenali ka bërë kontakt me Atletico Madridin për të diskutuar kushtet e një transferimi të mundshëm të Julian Alvarez, teksa klubi anglez po shqyrton nëse ekziston një rrugë reale për ta transferuar sulmuesin argjentinas.

Sipas raportimeve, përfaqësues të Arsenalit kanë zhvilluar një takim të drejtpërdrejtë në Londër me drejtorin sportiv të Atletico Madridit, Mateu Alemany, ku është diskutuar situata e 26-vjeçarit.

Megjithatë, negociatat nuk pritet të jenë të lehta. Kërkesa aktuale financiare e klubit madrilen konsiderohet shumë e lartë nga Arsenali, duke bërë që një marrëveshje të jetë larg.

Një tjetër pengesë është vetë dëshira e Alvarezit. Sulmuesi argjentinas deri tani nuk ka shfaqur gatishmëri për t’u transferuar në Angli, pasi preferenca e tij ka qenë Barcelona.

Megjithatë, Arsenali ka vendosur të hapë diskutimet me Atletico Madridin për të kuptuar nëse ekziston mundësia e një marrëveshjeje për sulmuesin e kombëtares argjentinase.

Klubi londinez po e vlerëson situatën dhe po përpiqet të kuptojë nëse mund të krijohet një formulë që do ta bindte Atleticon të negociojë dhe njëkohësisht do ta afronte Alvarezin me Ligën Premier.