Një operacion i gjerë policor është zhvilluar mëngjesin e kësaj të marte në Bashkinë Bakirkoy të Stambollit, n...
SPORT
Ish-drejtori i Juventusit e piketon, synon futbollistin e Kombëtares shqiptare që refuzoi milionat
PiranjatPërditësimi i fundit 20 April 2026, 18:26
Vera mund të sjellë lëvizjen e shumë futbollistëve të Kombëtares shqiptare të cilët janë të kërkuar në treg, ose janë në fundin e marrëveshjeve me skuadrat aktuale. Një prej tyre është edhe kapiteni i kuqezinjve, Berat Gjimshiti.
Mbrojtësi i Kombëtares shqiptare është në muajt e fundit të marrëveshjes ekzistuese me klubin e Atalantës dhe palët raportohet se për momentin nuk kanë marrë asnjë vendim për vazhdimësinë apo jo të tij te bergamaskët ku ai është kthyer në një idhull të tifozerisë në dekadën e fundit.
Por nëse Gjimshiti vendos t’i japë lamtumirën Atalantës, mundësitë për të nuk do të mungojnë, duke filluar nga Seria A. Një lojtar i tillë me eksperiencë që transferohet si futbollist i lirë, do i bënte punë shumë klubeve dhe mediat italiane raportojnë sot se një nga më të interesuarit është FIorentina. Drejtori sportiv Fabio Paratiçi po ideon skuadrën për sezonin e ardhshëm dhe bëhet e ditur se sheh te Gjimshiti një element që mund të ndihmojë prapavijën e skuadrës së qytetit të Firences.
Ndaj muajt në vijim do të jenë shumë interesantë për të ardhmen e Gjimshitit, i cili në të kaluarën kishte refuzuar disa oferta të rëndësishme ekonomike nga Lindja e Mesme, vetëm për të qëndruar në Serinë A.
