Një aksident rrugor është regjistruar pasditen e kësaj të diele në aksin kombëtar Librazhd–Elbasan, ku një karro...
SPORT
“Isha në Ibiza me të dashurën”, futbollisti shqiptar tregon si e bindi Tare për Milanin: Më emocionoi shumë
PiranjatPërditësimi i fundit 28 Mars 2026, 15:02
Ardon Jashari ka dhënë një intervistë të gjatë për “Il Foglio” ku ka treguar se si është përshtatja e tij me Milanin, të cilit iu bashkua gjatë verës. Mesfushori i kuqezinjve ka zbuluar gjatë kësaj interviste edhe detajet mbi mënyrën se si klubi italian bëri të mundur transferimin e tij nga Klub Bryzh.
“E mbaj mend mirë atë periudhë. E kisha përfunduar sezonin me Klub Bryzh duke fituar Kupën e Belgjikës dhe isha një nga lojtarët më të fortë në skuadër. Klubi absolutisht nuk donte të më shiste, qëndrimi i tyre ishte i qartë ndaj meje. Ndërkohë unë flisja çdo ditë me menaxherin tim, duke e ditur interesin e fortë të Milanit. Isha me pushime në Ibica, me të dashurën time, duke u çlodhur, kur më ra celulari. Numri ishte italian. U përgjigja menjëherë, ishte Igli Tare. E kuptova menjëherë se Milan do të bënte gjithçka për të më bindur, dhe kjo më emocionoi shumë.
Nga ana tjetër, kisha respekt të madh për Klub Bryzh. Doja vetëm të gjeja zgjidhjen më të mirë për të dy palët. Sigurisht, si mund ta refuzosh një klub aq të rëndësishëm sa Milani!
Çfarë e përshpejtoi mbërritjen në Milano? Puna e të gjithë drejtuesve, rreth dhjetë ditë pas telefonatës së drejtorit, më telefonoi edhe Zlatan Ibrahimoviç. Ai më tregoi për projektin. Isha i emocionuar në telefon, zëri pothuajse më dridhej, por isha i motivuar dhe i gatshëm për të filluar një sfidë të re”, tregoi ndër të tjera Jashari.
