Edhe banorët e Divjakës, kanë dalë kundër propozimit të mazhorancës, për shkrirjen e bashkisë me bashkinë e ...
SPORT
“Jam i lumtur për ardhjen e Stones”, Chivu flet para miqësores ndaj City-t: I kënaqur me merkaton? Do përpiqemi të rrisim nivelin
PiranjatPërditësimi i fundit 31 Korrik 2026, 15:40
Interi është gati për provën e parë të madhe të kësaj vere. Të shtunën, zikaltrit do të përballen me Manchester Cityn në Hong Kong, në një miqësore prestigjioze që pritet t’i japë trajnerit Cristian Chivu sinjale të rëndësishme përpara nisjes së sezonit të ri.
Në konferencën për shtyp, tekniku rumun e nisi fjalën me një homazh për legjendën e futbollit italian, Franco Baresi, duke shprehur ngushëllimet për familjen e ish-kapitenit të Milanit dhe duke e cilësuar atë një ikonë të sportit.
Duke folur për sfidën ndaj kampionëve të Anglisë, Chivu u shpreh se, edhe pse të dyja skuadrat nuk janë ende në formën optimale, ndeshja do të jetë një test i rëndësishëm dhe një spektakël për tifozët. Trajneri theksoi se ekipi ka punuar mirë gjatë grumbullimit në Gjermani dhe se, pavarësisht ngarkesave fizike të kësaj faze, do të zbresë në fushë me intensitet maksimal.
Chivu komentoi edhe afrimin e mbrojtësit anglez John Stones, duke e cilësuar një përforcim me cilësi, personalitet dhe karizëm, që rrit ndjeshëm nivelin e repartit defensiv. Ai shtoi se Interi pret edhe rikthimin e lojtarëve të angazhuar në Kupën e Botës, ndërsa merkatoja mbetet e hapur për të përfituar nga çdo mundësi që mund të ndihmojë skuadrën të bëjë një tjetër hap cilësor.
Një mesazh i qartë nga trajneri zikaltër, që synon ta mbajë Interin në nivelin më të lartë dhe konkurrues në të gjitha objektivat e sezonit të ri.
