Kayserispor zyrtarizon goditjen e dyfishtë shqiptare, afron Hasanin dhe Seferin

Kayserispor ka zyrtarizuar brenda së njëjtës ditë transferimin e dy sulmuesve shqiptarë, Florent Hasanit dhe Taulant Seferit, duke përforcuar repartin ofensiv për sezonin e ri në Superligën turke.

Hasani, reprezentues i Kosovës, bashkohet me klubin turk pas aventurës te Amed, ku sezonin e kaluar realizoi 18 gola dhe dhuroi shtatë asistime në 37 ndeshje.

Në të njëjtën kohë, Kayserispor ka siguruar edhe Taulant Seferin, i cili vjen pas një sezoni të suksesshëm me Bodrumin, ku shënoi 16 gola dhe regjistroi shtatë asistime.

Dy afrimet krijojnë një dyshe shqiptare në sulmin e skuadrës turke dhe i japin trajnerit më shumë alternativa për repartin ofensiv.

Hasani dhe Seferi synojnë të vazhdojnë formën e mirë në futbollin turk dhe të ndihmojnë Kayserisporin në objektivat e sezonit të ri.