Kanë dalë pamjet e hotelit në Santorini që shërbeu si frymëzim për projektimin e vilës në Palasë, që si...
SPORT
Kosova dhe Shqipëria me tjetër hap të rëndësishëm për Lojërat Mesdhetare “Prishtina 2030”
PiranjatPërditësimi i fundit 20 Prill 2026, 11:31
Në mbledhjen e radhës së Qeverisë së Republikës së Kosovës, është miratuar Projektligji për ratifikimin e marrëveshjeve ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë për Lojërat Mesdhetare ‘Prishtina 2030’.
Kryeministri i Kosovës, Albin Kurti, ka deklaruar se qëllimi i marrëveshjeve ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë është sigurimi i organizimit të suksesshëm të Lojërave Mesdhetare Lojërat Mesdhetare Prishtina 2030”.
Në fjalën e tij, Kurti theksoi rëndësinë e bashkëpunimit ndërmjet dy vendeve për realizimin e këtij projekti madhor.
Kurti: Qëllimi i kësaj marrëveshje është sigurimi i organizimit të suksesshëm të Lojërave Mesdhetar
“Qëllimi i kësaj marrëveshje është sigurimi i organizimit të suksesshëm të Lojërave Mesdhetare përmes një kornize të qartë bashkëpunimi ndërmjet dy vendeve ku Kosova vepron si shtet mikpritës ndërsa Shqipëria në rolin e partnerit për organizimin e disiplinës së lundrimit në Durrës. Përmes këtij bashkëpunimi sigurohet realizimi i plotë i detyrimeve që rrjedhin nga kontrata e qytetit mikpritës dhe dokumentet përkatëse ndërkombëtare. Ky projekt përfaqëson një mundësi të rëndësishme për rritjen e profilit ndërkombëtarë Kosovës dhe për zhvillimin e sportit dhe të ekonomisë. Në thelb është një iniciativë strategjike që forcon bashkëpunimin ndërmjet dy vendeve dhe promovon Kosovën në arenën ndërkombëtare”, tha Kurti.
