Laçi i jep një leksion Partizanin në Rrogozhinë, Bibo ‘heroi’ i fitores së kurbinasve...

Në javën e dytë të Abissnet Superiores, skuadra kurbinase e Laçit e zhbllokoi takimin që në minutën e 7-të me një supergol të Bibos, i cili i dha avantazhin skuadrës së tij.

Partizani u përpoq të reagonte, por situata u komplikua në fundin e pjesës së parë. Në minutën e 45+2′, Marku fillimisht u ndëshkua me karton të verdhë, por pas ndërhyrjes së VAR-it vendimi u ndryshua dhe mbrojtësi i Partizanit mori kartonin e kuq.

Me një lojtar më shumë, Laçi e shfrytëzoi avantazhin dhe në minutën e 74-t shënoi edhe golin e dytë. Bibo realizoi sërish, duke kompletuar dopietën dhe duke çuar Laçin në avantazhin 2-0.

Partizani nuk u dorëzua dhe në minutën e 90+2′ shkurtoi diferencën me Aliun, duke hapur sërish ndeshjen në sekondat e fundit.

Megjithatë, Laçi arriti të ruajë epërsinë dhe të marrë një fitore 2-1 në Rrogozhinë, duke siguruar tre pikë të çmuara ndaj Partizanit.