Gjatë ditës së sotme janë raportuar 30 vatra zjarri në territorin e vendit, prej të cilave 7 mbeten aktive, 10 janë në...
SPORT
Leclerc kërkon falje pas incidentit në Monza, Hamilton e fal: Së bashku kundër Mercedesit
PiranjatPërditësimi i fundit 11 Shtator 2026, 08:44
Pas incidentit të diskutuar në Çmimin e Madh të Monzës, te Ferrari duket se është rikthyer qetësia mes Charles Leclerc dhe Lewis Hamilton.
Leclerc pranoi publikisht përgjegjësinë për manovrën ndaj shokut të skuadrës në kthesën e dytë të pistës italiane, duke thënë se pasi rishikoi pamjet, kuptoi se mund ta kishte menaxhuar më mirë situatën. Piloti nga Monako tha gjithashtu se kishte biseduar me Hamilton për incidentin.
Hamilton e pranoi ndjesën dhe konfirmoi se të dy kanë diskutuar hapur për atë që ndodhi. Shtatë herë kampioni i botës vlerësoi marrëdhënien me Leclerc dhe tha se të dy duan të fitojnë dhe të ndihmojnë Ferrarin në luftën ndaj Mercedesit.
“U ulëm përballë njëri-tjetrit, folëm dhe e sqaruam”, tha Hamilton, duke theksuar se marrëdhënia mes tyre mbetet e mirë.
Megjithatë, Ferrari ende nuk ka vendosur rregulla të shkruara për mënyrën se si duhet të garojnë dy pilotët ndaj njëri-tjetrit, çështje që Hamilton e kishte ngritur pas incidentit në Monza.
Tashmë të dy pilotët janë të fokusuar te Çmimi i Madh i Spanjës, ku Ferrari synon të rikthehet në luftën për rezultate më të mira pas një fundjave të vështirë në Monza.
