Një studente e Mjekësisë, e cila i është bashkuar protestës përpara Ministrisë së Arsimit, ka ngritur shqetësi...
SPORT
Legjenda finlandeze e futbollit bën surprizën e madhe në moshën 55 vjeç!
PiranjatPërditësimi i fundit 9 April 2026, 09:22
Ish-sulmuesi legjendar i Barcelonës, Liverpool dhe Ajax u federua nga skuadra estoneze e divizionit të katërt, Tallinna Kalev III, ku luajnë edhe dy djemtë e tij, Caro 17 vjeç dhe Bruno 19 vjeç.
Jari Litmanen ka bërë një rikthim befasues në futboll në moshën 55-vjeç, 14 vjet pasi vendosi të tërhiqej nga fusha. Litmanen fillimisht provoi të luante me ta në një ndeshje të të rinjve në tetor, por tani ka vendosur të regjistrohet zyrtarisht për të qenë pjesë e ekipit dhe për të ndarë dhomën e zhveshjes me djemtë e tij.
Përveç kësaj, klubi është në pronësi të ish-lojtarit të Liverpool, Ragnar Klavan, gjë që ka lehtësuar rikthimin e legjendës finlandeze.
Jari Litmanen, i renditur i treti për Topin e Artë në 1995 dhe kampion i Europës me Ajax në të njëjtin vit, ka fituar gjithsej 23 trofe zyrtare dhe ka zhvilluar 137 ndeshje me përfaqësuesen finlandeze. Ai ka veshur gjithashtu fanellat e Barcelonës, Liverpoolit dhe Fulhamit.
Pas 14 vitesh inaktiviteti që nisi me tërheqjen e tij në 2012, Litmanen duket se kthehet për të shijuar futbollin dhe për të ndarë momentet e fushës me dy djemtë e tij në Estoni. Rikthimi i tij i jep një dimension mediatik të veçantë skuadrës së vogël të Tallinna Kalev III.
