Madrilenët mposhtin Malagën me 4 gola

Real Madrid ka siguruar një tjetër fitore në “Santiago Bernabéu”, duke mposhtur Malagën dhe duke treguar një tjetër nivel në këtë fillim sezoni. “Los Blancos” kontrolluan sfidën, me Jude Bellingham që ishte protagonisti kryesor.

Anglezi zhbllokoi takimin pas një aksioni individual e duke regjistruar golin e pare.

Bellingham ishte sërish në qendër të vëmendjes pak minuta më vonë. Pas një aksioni të nisur nga Kylian Mbappé dhe një pasigurie të portierit Herrero, mesfushori anglez përfitoi dhe e dërgoi topin për herë të dytë në rrjetë.

Por madrilenët nuk u ndalën. Kylian Mbappé shtoi edhe më shumë shkëlqimin e sfidës, duke realizuar një gol spektakolar pas asistit të Trent Alexander-Arnold. Francezi goditi topin në vole dhe la të pafuqishëm portierin e Malagës.

Në fund, ishte Arda Güler ai që vendosi firmën e fundit mbi fitoren madrilene. Turku përfitoi nga asistimi i Vinicius Junior dhe realizoi golin që vulosi suksesin e Real Madridit.