16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
Manchester City nuk ndalet/ Haaland i jep fitoren ndaj Coventry, 9 pikë në 3 ndeshje
PiranjatPërditësimi i fundit 6 September 2026, 11:35
Manchester City vazhdon me ritëm të plotë në Premier League. Skuadra e Enzo Marescas mposhti 1-0 Coventryn në “Etihad”, duke regjistruar fitoren e tretë radhazi dhe duke marrë 9 pikë në tri javët e para të kampionatit.
Fitorja erdhi pas një ndeshjeje më të vështirë nga sa pritej, me Cityn që pati kontrollin e lojës, por në fund iu desh edhe ndërhyrja e Donnarummas për të ruajtur tre pikët.
Manchester City e nisi ndeshjen duke ushtruar presion në zonën e Coventryt dhe krijoi disa raste për shënim.
Cherki goditi shtyllën, ndërsa në minutën e 26-të ishte Erling Haaland ai që zhbllokoi rezultatin me një goditje me kokë.
Pas avantazhit, skuadra e Marescas vazhdoi të kërkonte golin e dytë, por nuk arriti ta mbyllte takimin.
Coventry pati mundësitë e veta dhe në fund Donnarumma u desh të ndërhynte për të mbajtur avantazhin e vendasve.
Në këtë takim debutuan edhe tre afrimet e Manchester Cityt në merkaton e verës, Enzo Fernandez, Ndiaye dhe Bouaddi.
Në përfundim të ndeshjes, Maresca u shfaq i kënaqur me fitoren, pavarësisht vështirësive që skuadra hasi gjatë takimit. “Më pëlqeu shumë kjo sfidë. Në pjesën e parë mund të shënonim 2 apo 3 gola më shumë, por punuam të gjithë së bashku për të fituar. Në 9 nga 10 raste këto takime mbyllen me surpriza. E rëndësishme është që fituam”, tha trajneri i Manchester Cityt.
