16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
Matthaus zbulon favoritin për Topin e Artë, nuk zgjedh as Mbappen dhe as Yamalin
PiranjatPërditësimi i fundit 16 September 2026, 15:44
Lothar Matthaus, legjenda e futbollit gjerman dhe fituesi i Topit të Artë në vitin 1990, ka zbuluar favoritët e tij për çmimin prestigjioz, duke vendosur Harry Kane në krye të listës.
Edhe pse e vlerëson shumë Lamine Yamalin dhe Kylian Mbappen, Matthaus mendon se sulmuesi anglez është kandidati kryesor për Topin e Artë të këtij viti.
Në një prononcim për “Sky Sport”, ish-mesfushori gjerman e cilësoi Yamalin si një futbollist të jashtëzakonshëm, por theksoi se sezoni i kaluar nuk ishte tërësisht i spanjollit. Sipas Matthaus, Yamal ishte vetëm një nga lojtarët e rëndësishëm të Spanjës dhe nuk e kishte treguar në mënyrë të vazhdueshme nivelin që po shfaq në fillimin e sezonit të ri.
Megjithatë, gjermani pranon se Yamal ka argumente të forta për të fituar Topin e Artë. Një prej tyre janë trofetë e fituar, kriter që sipas tij i jep avantazh spanjollit ndaj Mbappes.
Matthaus vlerëson se Mbappe nuk ka fituar trofe me Real Madridin apo me Kombëtaren e Francës gjatë periudhës që merret në konsideratë për çmimin. Për këtë arsye, ai e rendit Yamalin përpara sulmuesit francez.
Në krye të listës së tij, megjithatë, qëndron Harry Kane. Sulmuesi anglez ka pasur një sezon të jashtëzakonshëm, me shifra të larta individuale, ndërsa ka fituar edhe Këpucën e Artë dhe ka shënuar në ndeshje të rëndësishme në Ligën e Kampionëve dhe me kombëtaren.
Kane arriti deri në gjysmëfinale të Ligës së Kampionëve me Bayern Munich, ndërsa me Anglinë mori medaljen e bronztë në Kupën e Botës. Për Matthaus, kombinimi i statistikave individuale dhe suksesit të ekipit e bën sulmuesin anglez një nga favoritët kryesorë për Topin e Artë.
