16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
Mbappé i bindur për Topin e Artë: Nuk ka pasur lojtar më të mirë se unë këtë sezon
PiranjatPërditësimi i fundit 14 September 2026, 15:35
Futbollisti i famshëm, Kylian Mbappe, ka thyer heshtjen në një intervistë të bujshme të dhënë këtë javë për prestigjiozet franceze “L’Equipe” dhe “France Football”.
Ylli francez ka folur hapur për ambiciet e tij për Topin e Artë, krahasimet me Lionel Messin, akuzat për egoizëm dhe kritikat e vazhdueshme mbi kontributin e tij në fazën mbrojtëse. Përtej çdo modestie, Mbappe u shpreh i bindur se e meriton trofeun më të rëndësishëm individual për këtë vit.
Sipas sulmuesit, asnjë futbollist tjetër nuk ka regjistruar një sezon më të mirë se ai, duke e parë veten si favoritin absolut. Megjithatë, ai nuk hezitoi të hedhë hije dyshimi mbi mënyrën e votimit. Mbappe theksoi se historikisht, çmimi shpesh i ka shkuar lojtarit të skuadrës më të suksesshme, dhe jo domosdoshmërisht futbollistit më të mirë në botë.
I pyetur për mundësinë e mbylljes së karrierës pa fituar Champions League apo Topin e Artë, ai u përgjigj shkurt dhe qartë: “Fitohet në fushë, jo me fjalë”, duke lënë të kuptohet se fokusi i tij mbetet te loja dhe jo te votat e panelit. Përgjigjja ndaj akuzave për egoizëm.
Etiketat si një lojtar individualist u hodhën poshtë me forcë nga francezi. Si argumentin kryesor mbrojtës, ai kujtoi faktin se mban rekordin absolut të asisteve në historinë e kombëtares së Francës, një statistikë që sipas tij zhvlerëson çdo aludim për egoizëm në fushën e lojës.
I pyetur nëse e sheh veten në fushën e blertë deri në moshën 39-vjeçare ashtu si Lionel Messi, Mbappé u përgjigj me humor se do të luante “deri në 100 vjeç nëse do të ishte e nevojshme”. Megjithatë, ai e bëri të qartë ndryshimin mes të dyve: “Unë e konsideroj veten një lojtar ndryshe, por Messi është unik mes të tjerëve. Messi është Messi.”
