“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
SPORT
“Mos kalojmë në panik”, zëdhënësi i përfaqësueses polake komenton mungesën e futbollistit të Interit në stërvitjen e dytë para Shqipërisë
PiranjatPërditësimi i fundit 24 Mars 2026, 23:04
Përfaqësuesja e Polonisë vazhdon përgatitjet për ndeshjen e të enjtes ndaj Shqipërisë me mungesa të rëndësishme edhe në seancën e sotme stërvitore. Në stërvitje sot nuk u shfaqën dy elementë shumë të rëndësishëm të Polonisë si Jakub Moder dhe Piotr Zielinski.
Tifozët nisën të komentonin mundësinë e dëmtimit të dy futbollistëve dhe mungesën e këtyre futbollistëve ne radhët e ekipit për ndeshjen ndaj kuqezinjve. Por për mediat vendase, këtë situatë e ka shpjeguar Emil Kopanski, zëdhënësi për mediat i ekipit përfaqësues të Polonisë.
Sipas tij, Moder dhe Zielinski kishin pasur vetëm mbingarkesë ndaj ishin stërvitur veçmas.
“Ata janë jashtë për të ulur pak ngarkesat fizike. Po ndjejnë pak trysninë nga ndeshjet në kampionat. Por mos kaloni në panik, le të mos jemi në panik”, tha ai para mediave rreth kësaj situate.
Mediat polake bëjnë të ditur se me lojtarët është zgjedhur kjo mënyrë veprimi për shkak të aktivizimit të vazhdueshëm që kanë pasur në klubet përkatëse, Fejenord dhe Inter, teksa për momentin nuk duket në dyshim pjesëmarrja e tyre në ndeshjen ndaj Shqipërisë.
