Ish-drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj, është paraqitur ...
SPORT
Mourinho bën “mea culpa” ndaj Pellegrinit: "Kam bërë komente idiote më parë"
PiranjatPërditësimi i fundit 4 September 2026, 08:10
Real Madridi, i drejtuar nga José Mourinho, do ta hapë raundin e 4-t të La Ligës në transfertë kundër Betisit të Manuel Pellegrinit këtë të premte në orën 20:00 të mbrëmjes. Dhe, në prag të kësaj ndeshjeje, trajneri portugez kujtoi rivalitetin me trajnerin kilian.
"Nuk mbaj mëri sepse nuk mund të kthehemi pas në kohë. Ka një histori kaq të gjatë në futboll sa disa gjëra që kemi thënë dhe bërë na bëjnë të ndihemi si idiotë. Kam bërë komente budallallëqe.
Nëse më dëgjon, do të qeshë sepse do të kujtojë se unë e pagova për këtë te Chelsea me titullin (humbjen ndaj Man. City të Pellegrinit në sezonin 2013/14)", tha ai duke qeshur.
Kujtoni që Mourinho e pasoi Pellegrinin te Real Madridi në vitin 2010. Më vonë, kiliani nënshkroi për Malagën dhe trajneri portugez u kundërpërgjigj: "Nëse Real Madridi më përjashton, nuk do të shkoj te Malaga, do të shkoj në një klub të madh në Angli ose Itali", por nuk mori asnjë përgjigje.
Ndërsa ishte në Angli, Mourinho kritikoi zakonet e shpenzimeve të Manchester Cityt dhe stilin e lojës së Pellegrinit, por ky i fundit u përgjigj vetëm duke thënë se trajneri i Chelseat në atë kohë "përqendrohej shumë te rezultatet".
Tani, në konferencën për shtyp të së enjtes, Mourinho lavdëroi kundërshtarin e tij të radhës. "Ai më trajtoi si një zotëri të vërtetë në një ndeshje miqësore midis Betisit dhe Romës, me një gjyqtar që e donte Betisin.
Ne mbetëm me shtatë lojtarë dhe ai u tha lojtarëve të tij të mos na bënin presion. Ata mund të kishin shënuar tetë gola, por shënuan vetëm tre. Një shembull i shkëlqyer si trajner dhe si person. Betis është një ekip shumë i mirë", theksoi ai.
