Nga Neuer te Neymar e Deschamps, largimi i legjendave pas Botërorit

Përfundimi i Kupës së Botës shënoi edhe fundin e karrierës ndërkombëtare për disa nga emrat më të njohur të futbollit botëror.

Manuel Neuer i dha lamtumirën Gjermanisë pas 128 ndeshjeve, duke u larguar si kampion bote i vitit 2014 dhe fitues i "Dorezës së Artë".

Edhe Neymar mbylli ciklin me Brazilin si golashënuesi më i mirë në historinë e kombëtares, me 80 gola në 130 paraqitje.

Riyad Mahrez u tërhoq nga Algjeria, pasi udhëhoqi skuadrën drejt triumfit në Kupën e Afrikës në vitin 2019.

Portieri Guillermo Ochoa mbylli aventurën me Meksikën, duke regjistruar pjesëmarrje në gjashtë Botërorë radhazi.

Patrik Schick largohet nga kombëtarja çeke, ndërsa do të kujtohet edhe për golin spektakolar nga rreth 50 metra ndaj Skocisë në Euro 2020.

Ndërkohë, Didier Deschamps i dha fund periudhës së tij në stolin e Francës, pasi fitoi Kupën e Botës si lojtar në vitin 1998 dhe si trajner në vitin 2018.