Partnerja e lojtarit të ri të Chelsea-t vendoset përballë situatës së sikletshme, i kërkon ndihmë… ChatGPT-së: Më sulmuan!

Pawgli, partnerja e mbrojtësit të ri të Chelsea, Pep Chavarria, ka përjetuar një situatë të pazakontë gjatë ditëve të para të saj në Londër.

27-vjeçarja, e cila është një influencuese me më shumë se 1.1 milion ndjekës në TikTok, tregoi përmes një videoje 90-sekondëshe përballjen e saj të çuditshme me një ketër, që i prishi një shëtitje të zakonshme në kryeqytetin anglez.

Pawgli kishte planifikuar një ecje rreth 50-minutëshe drejt një salloni thonjsh, ndërsa Chavarria po priste që të bëhej gati banesa e re e çiftit. Por rruga mori një tjetër drejtim pasi ajo u përball me një ketër në mes të një zone me pyje dhe liqene.

Influencuesja tregoi se pas rreth 45 minutash ecje, rruga e saj e çoi në një ambient që i ngjante një skene nga përralla “Hansel dhe Gretel”.

Vetëm 20 minuta larg destinacionit, ajo pa një ketër të ulur në mes të shtegut. Sipas saj, kafsha e shikonte drejtpërdrejt dhe nuk kishte ndërmend të largohej.

E shqetësuar, Pawgli vendosi të kërkonte ndihmë nga ChatGPT dhe pyeti: “A sulmojnë ketrat?”.

Sipas saj, përgjigjja e inteligjencës artificiale e bëri të largohej menjëherë, pasi u këshillua të priste derisa kafsha të largohej.

Megjithatë, pas 10-15 minutash pritje, ketri vazhdonte të qëndronte në të njëjtin vend. Në fund, Pawgli vendosi të kthehej pas dhe të gjente një rrugë tjetër përmes pyllit.

Për shkak të këtij takimi të pazakontë, udhëtimi i saj zgjati rreth 90 minuta në vend të 50 minutave të planifikuara.

Ky episod vjen në një periudhë të rëndësishme për Pawglin, e cila së fundmi u zhvendos nga Madridi në Londër për të qenë pranë partnerit të saj.

Ajo ka treguar më parë se kishte një jetë të ndërtuar në kryeqytetin spanjoll, me punën, familjen, miqtë dhe bashkëpunimet me marka të modës, bukurisë dhe stilit të jetesës.

Fillimisht, ajo kishte menduar të qëndronte në Madrid dhe të mbante një lidhje në distancë me futbollistin.

“Kam jetën time në Madrid, kam punën time atje, projektet e mia, markat me të cilat punoj, motrën, familjen dhe miqtë e mi”, kishte deklaruar ajo.

Megjithatë, në fund vendosi të bëjë këtë ndryshim për të ndërtuar një të ardhme së bashku me Chavarria.

“Po e bëj nga dashuria, sepse e dua partnerin tim dhe dua të ndërtoj një të ardhme dhe një familje me të”, u shpreh Pawgli.

Pep Chavarria iu bashkua Chelsea nga Rayo Vallecano në një marrëveshje prej rreth 18 milionë paundësh, pas katër sezoneve me klubin nga Madridi.