16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
“Po jetoj një ëndërr te Milani”/ Jashari flet për Juventusin: Isha me pushime, nuk mendova për pjesën tjetër
PiranjatPërditësimi i fundit 5 September 2026, 18:14
Ardon Jashari po përjeton një moment të rëndësishëm në karrierën e tij te Milani.
Mesfushori me origjinë shqiptare ka folur për aventurën në klubin kuqezi, interesin e raportuar të Juventusit dhe objektivat e tij për sezonin e ri.
Në një intervistë për “SportMediaset”, në prag të përballjes me Juventusin, Jashari u ndal edhe te zërat për interesimin e bardhezinjve.
Ai tregoi se në atë periudhë ishte me pushime dhe nuk e kishte pasur mendjen te një lëvizje e mundshme.
“Kur situata në lidhje me trajnerin e ri u bë e qartë, fola me të. Dëshira dhe qëllimi im i vetëm është të arrij nivelin tim më të lartë në këtë klub”, u shpreh Jashari në intervistë.
Mesfushori foli edhe për trajnerin e ri të Milanit, Ruben Amorim, dhe ndryshimin që ka sjellë në skuadër. Sipas Jasharit, tekniku portugez ka sjellë një energji të re dhe një ide të qartë për mënyrën se si duhet të luajë ekipi.
Për Jasharin, sezoni i ri është gjithashtu një mundësi për të treguar më shumë nga aftësitë e tij.
Ai pranon se sezonin e kaluar nuk pati hapësirën e nevojshme për të shfaqur nivelin që dëshironte dhe tani synon të bëhet versioni më i mirë i vetes në fushë.
Sa i përket Milanit, mesfushori e sheh fanellën kuqezi si realizimin e një ëndrre. Por ambicia e tij nuk ndalet vetëm te fakti që është pjesë e klubit.
“Jam një djalë me shumë ambicie dhe nuk mjaftohem vetëm duke qenë pjesë e klubit, dua t’ia vërtetoj vlerën time ekipit dhe tifozëve”, u shpreh Jashari.
