“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
SPORT
“Polakët e mendojnë të sigurt fitoren ndaj Shqipërisë”, Shehu: Ju tregoj pikën e dobët të tyre
PiranjatPërditësimi i fundit 26 Mars 2026, 07:52
Mesfushori i Kombëtares, Juljan Shehu, i cili aktivizohet për skuadrën polake të Vidzev Lodz, foli nga Varshava, në prag të duelit me Poloninë, sipas tij euforia te vendasit është e madhe, pasi ata mendojnë se e kanë të sigurt fitoren ndaj kuqezinjve.
Futbollisti nga kryeqyteti beson se për Shqipërinë është momentin i duhur për të kurorëzuar ecurinë pozitive.
“E ndjejmë rëndësinë e këtij takimi. Këtë periudhë të mirë me Kombëtaren, është momenti ta kurorëzojmë. E dimë rëndësinë dhe shpresojmë të marrim rezultat pozitiv.
Polonia nuk është se ka ndryshuar shumë. Polonia ka të njëjtin mentalitet si para 3 viteve, ndonëse trajneri ka ndryshuar. Kualiteti nuk ka nevojë të komentohet. Si çdo ekip, kanë pikat e tyre të dobëta dhe shpresoj t’i godasim aty.
Një pikë e dobët, me çfarë kam dëgjuar, ato e kanë të sigurt fitoren. Në këtë pikë që jemi ne, nuk ka ndeshje të lehta. Shpresojmë që euforia që kanë, t’iu rikthehet në ogur të keq.
Nuk e di pse e mendojnë ashtu. Unë mendoj se jemi ekipe të njëjta. Kjo është ndeshje teke, finale. Nuk përbën diferencë individi në këtë ndeshje. Unë flas, nga çfarë shikoj nga opinioni publik”, u shpreh Shehu.
