Haki Koka, nipi i ish-ministrit Lefter Koka, është arrestuar në Durrës gjatë operacionit policor “Informacioni”, pasi dys...
SPORT
Polonia nuk arriti në Botëror, Lewandowski drejt largimit nga kombëtarja
PiranjatPërditësimi i fundit 1 Prill 2026, 12:56
E ardhmja e Robert Lewandowskit me kombëtaren e Polonisë është vënë në pikëpyetje, pas eliminimit dramatik nga gara për Botërorin. Sulmuesi polak ka lënë të kuptohet se mund të ketë luajtur ndeshjen e tij të fundit me fanellën kombëtare.
Polonia u mposht 3-2 nga Suedia, falë një goli të vonë në minutën e 88-të nga Viktor Gyokeres, duke humbur kështu mundësinë për kualifikim.
Menjëherë pas ndeshjes, Lewandowski publikoi në rrjetet sociale një foto ku shfaqte shiritin e kapitenit, të shoqëruar me këngën “Time to Say Goodbye”, një detaj që u interpretua si sinjal i mundshëm i largimit nga kombëtarja.
Megjithatë, sulmuesi i Barcelonës nuk ka konfirmuar zyrtarisht tërheqjen, ndërsa edhe në të kaluarën ka pasur momente kur një vendim i tillë është përfolur.
Lewandowski mban rekordin e paraqitjeve me Poloninë, me 165 ndeshje që nga debutimi i tij në vitin 2008 kundër San Marino, ku shënoi edhe golin e parë në moshën 20-vjeçare.
Me 89 gola, ai kryeson bindshëm listën e golashënuesve të historisë së kombëtares, pothuajse dyfish më shumë se çdo lojtar tjetër polak.
Megjithatë, suksesi në arenën ndërkombëtare ka qenë i kufizuar, me vetëm dy pjesëmarrje në Botëror dhe arritjen më të mirë në fazën e 1/8-ave në vitin 2022.
