Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Hong Kongu ka përjetuar tetorin më të ngrohtë të regjistruar ndonjëherë, në një kohë kur fenomeni klimatik &ld...
SPORT
Presidenti i Vllaznisë reagon pas polemikave me VAR-in: Kur përsëritet, nuk është më gabim!
PiranjatPërditësimi i fundit 30 August 2026, 23:57
Presidenti i Vllaznisë, Alban Xhaferri, ka reaguar në rrjetet sociale pas polemikave të fundit për vendimet e VAR-it ndaj skuadrës shkodrane.
Përmes një postimi, Xhaferri ka ngritur pikëpyetje mbi përsëritjen e episodeve të diskutueshme dhe drejtësinë në arbitrim, duke kërkuar që pamjet filmike të merren në konsideratë.
“Rastësia ndodh një herë. Gabimi ndodh një herë. Kur përsëritet, nuk është më gabim. Kur vazhdon, lind dyshimi për keqdashje dhe ngrënie haku”, shkruan Xhaferri.
Më tej, kreu i Vllaznisë i referohet drejtpërdrejt episodeve të VAR-it, duke theksuar se klubi shkodran është penalizuar në ndeshjet e fundit.
“VAR-i dje. VAR-i sot. VAR-i nesër. Vllaznia e penalizuar dje, sot… dhe nesër?”, shprehet ai.
Në fund, Xhaferri ngre pyetjen nëse vendimet e marra përballë Vllaznisë përfaqësojnë drejtësinë sportive, ndërsa kërkon që të mos i mohohet skuadrës ajo që fiton në fushën e lojës.
“Edhe sa do të na mohohet mundi, sakrifica dhe ajo që fitohet në fushë? Pamjet flasin vetë”, përfundon presidenti i Vllaznisë.
