Presion ndaj Infantinos/ Drejtori i FIFA-s: Ky është projekt i një njeriu të vetëm

Një tjetër pengesëpër Gianni Infantinon. Kevin Lamour, drejtori ekzekutiv i FIFA-s dhe zyrtari i tretë i rangut të lartë, kritikoi ashpër presidentin e organizatës në një deklaratë dërguar Associated Press dhe L'Équipe. 

"Ky është një projekt i një njeriu të vetëm", ​​shkroi francezi, duke iu referuar qëllimit të Infantinos për t'ua shitur aksionet e Kupës së Botës investitorëve privatë.

“Jo vetëm që ky projekt nuk duhet të vazhdojë… por ka ardhur koha që udhëheqësit politikë të futbollit t’i bëjnë vetes pyetjet e duhura dhe të marrin vendimet e duhura”, shkroi Lamour. Ai shtoi se stafi i FIFA-s ishte “mashtruar” nga mungesa e transparencës së Infantinos dhe meritonte “më mirë sesa përbuzje dhe frikësim”. 

“Dhe nëse kjo do të thotë që unë do të humbas punën time, le të jetë kështu”, tha zyrtari francez. “Do ta kuptoj dhe respektoj atë vendim. Të paktën do të fle mirë sonte.”

Disa orë më parë, një tjetër këshilltar i Infantinos, amerikani Carlos Cordeiro, e kishte mohuar presidentin dhe kishte paraqitur dorëheqjen. "Nuk mund të rri duarkryq ndërsa FIFA shqyrton shitjen e pjesëve të Kupës së Botës ", deklaroi ai në një njoftim për shtyp.

Infantino është nën më shumë presion se kurrë, pasi UEFA dhe CONCACAF kanë shprehur qartë mospajtimin e tyre me planin e tij.