Publikohen formacionet zyrtare të ndeshjes Egnatia-Lilestrom, mungesë e papritur te skuadra rrogozhinase

Egnatia zbret sot në fushë në orën 19:00 për të zhvilluar ndeshjen e parë të “play-off”-it të Ligës së Europës, teksa përballë do të ketë norvegjezët e Lilestromit.

Skuadra rrogozhinase do ta nisë këtë sfidë me dy mungesa të rëndësishme. Ndreca nuk është i gatshëm për shkak të pezullimit, pas kartonit të kuq të marrë në turin e kaluar. Ndërkohë, mungon edhe Haime, i cili nuk është përfshirë as në stolin e rezervave.

Në këto kushte, trajneri Nevil Dede pritet të rreshtojë Jagon në krahun e majtë dhe Smajlin në të djathtë, në skemën 3-5-2 që Egnatia pritet të përdorë në këtë përballje.

Rrogozhinasit synojnë të marrin një rezultat pozitiv në ndeshjen e parë, për të shkuar me më shumë qetësi drejt sfidës së kthimit një javë më pas në Norvegji.