Puthja që bëri xhiron e botës/ Lojtarët e Spanjës habisin fansat gjatë festës së Botërorit

Dy milionë tifozë dolën në rrugët e Madridit për të festuar triumfin e Spanjës në Kupën e Botës, ndërsa lojtarët e “La Rojas” ndanë emocionet me tifozët nga autobusi panoramik.

Gjatë paradës së kampionëve, një moment mes sulmuesit Yeremy Pino dhe portierit Unai Simon tërhoqi vëmendjen e madhe. Pino i kërkoi portierit një puthje, duke e puthur më pas në buzë, pamje që u shpërnda me shpejtësi në rrjetet sociale.

Pas momentit, Pino reagoi i habitur para kamerave, ndërsa Unai Simon vazhdoi festimet së bashku me shokët e ekipit.

Pavarësisht se nuk ishte titullar në shumicën e ndeshjeve, Yeremy Pino ishte pjesë e skuadrës që shkroi historinë, ndërsa Unai Simon ishte një nga figurat kryesore të Spanjës në këtë turne. Portieri spanjoll pësoi vetëm një gol në tetë ndeshje të Kupës së Botës.

Momenti mes dy lojtarëve u kthye në një nga episodet më të komentuara të festës së Spanjës pas fitimit të trofeut më të rëndësishëm në futbollin botëror.