Detaje të reja janë zbuluar nga operacioni “Lulet e së keqes” të zhvilluar në Greqi, ku u sekuestruan 84 kg kokainë ...
AKTUALITET
“Qeveria po favorizon klientelën në kurriz të qytetarëve”, Ina Zhupa: Paketa e Maleve, paketa e tjetërsimit të pronës private
PiranjatPërditësimi i fundit 27 Prill 2026, 13:01
Kryetarja e Komisionit për Kulturën, Turizmin dhe Diasporën Ina Zhupa, ka reaguar ashpër ndaj asaj që e cilëson si “paketa e tjetërsimit të pronës private”, duke akuzuar qeverinë dhe kryeministrin Edi Rama se po favorizojnë klientelën në kurriz të qytetarëve.
Sipas Zhupës, nisma për “Paketën e Maleve”, e prezantuar fillimisht si një projekt për zhvillimin dhe rivitalizimin e zonave malore, është shtrirë në mënyrë abuzive edhe në fusha, kodra dhe bregdet, duke rrezikuar të drejtat e pronarëve që nuk kanë mundësi ekonomike për të investuar.
Ajo thekson se kjo qasje përbën një goditje ndaj shtetit ligjor dhe cenon rëndë të drejtën e pronës, duke e cilësuar të gjithë procesin si “vjedhje të madhe” në dëm të qytetarëve të ndershëm.
Reagimi
Paketa e maleve ose paketa e tjetërsimit të pronës private. Për ata që nuk kanë para të investojnë në pronat e tyre, për ata që nuk ndërtojnë dot resorte, agroturizëm apo çdo lloj aktiviteti tjetër ekonomik, për ata nuk ka pronësi. Për ata nuk ka toka!
Vetëm të pasurit, ata që kanë para të investojnë, ata që janë miqtë e Edi Ramës. Ata mund të gëzojnë, përveç tokave publike që ua dhanë për një copë buke, tanimë do t’u japin edhe tokat private, me justifikimin se këta i punojnë. Ky është fundi i shtetit ligjor! Është fundi i Kushtetutës dhe është fundi i respektimit të pronës si një e drejtë e shenjtë.
Paketa e maleve u nis dhe u zbatua me idenë që do të ndërtoheshin dhe do të rivitalizoheshin malet shqiptare, atje ku nuk kishte kërkesë për të ndërtuar apo për të jetuar.
Ndërkohë, nga malet i zbritën në fusha, në kodra, në bregdet dhe kudo, vetëm e vetëm për të vjedhur tokën e njerëzve të ndershëm, që ndoshta janë në pamundësi ekonomike.
