Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
SPORT
Raphinha shpërthen ndaj arbitrimit pas eliminimit të Barcelonës
PiranjatPërditësimi i fundit 15 April 2026, 15:58
Sulmuesi i Barcelonës, Raphinha, ka reaguar ashpër pas eliminimit të skuadrës së tij nga Atlético Madrid në çerekfinalet e UEFA Champions League, duke e cilësuar arbitrimin si “një grabitje”.
Barcelona u eliminua me rezultat të përgjithshëm 3-2, pasi fitorja 2-1 në ndeshjen e kthimit të zhvilluar të martën nuk mjaftoi për të përmbysur humbjen 2-0 në ndeshjen e parë. Në të dy takimet, katalanasit mbetën me nga një lojtar më pak në fushë.
Në ndeshjen e parë, mbrojtësi i Barcelonës Pau Cubarsí u ndëshkua me karton të kuq nga gjyqtari István Kovács, ndërsa në ndeshjen e kthimit, mbrojtësi Eric García u përjashtua nga gjyqtari Clément Turpin.
Vendimet e arbitrave shkaktuan polemika të forta edhe në ndeshjen e parë, kur Barcelona kritikoi gjyqtarin dhe sistemin VAR pasi loja vazhdoi edhe pse mbrojtësi i Atleticos, Marc Pubill preku topin me dorë brenda zonës së penalltisë.
Megjithëse mungoi në të dyja ndeshjet për shkak dëmtimi, Raphinha reagoi ashpër pas sfidës së kthimit.
“Për mua, kjo ndeshje ishte një grabitje. Jo vetëm kjo ndeshje, por edhe tjetra. Arbitrimi ishte shumë i dobët, vendimet që mori Turpin janë të pabesueshme,” deklaroi ai.
Braziliani shtoi se nuk e kupton pse, sipas tij, arbitrimi ishte kaq i ashpër ndaj Barcelonës.
“Nuk e di sa faulle bëri Atletico, por gjyqtari nuk u dha asnjë karton të verdhë. Dua shumë të kuptoj pse janë kaq të frikësuar që Barcelona të vijë dhe të fitojë,” shtoi 29-vjeçari.
