Në fjalën e saj në Komisionin për Evropën dhe Punët e Jashtme, deputetja e PD, Albana Vokshi ka ngritur me tone të forta &cce...
POLITIKE
Denoncimi i PD: Policia rrëmben dhe kërcënon qytetarin të mos dalë në protestë!
PiranjatPërditësimi i fundit 8 May 2026, 18:22
Partia Demokratike ka denoncuar një incident të ndodhur këtë të premte në zonën e Kombinatit në Tiranë.
Në një deklaratë për mediat, kryetarja e Degës nr. 6 të PD-së në Tiranë, Onelda Zefi, shprehet se një qytetar i identifikuar si, Ernest Kapo është ndaluar në mënyrë të paligjshme nga një patrullë policie e Komisariatit nr. 6, pa asnjë shpjegim dhe pa arsye ligjore.
Sipas saj, më herët gjatë ditës, efektivë të policisë kishin shkuar në banesën e Kapos dhe i kishin kërkuar që të mos merrte pjesë në protestën e opozitës të planifikuar këtë pasdite në orën 19:00.
Sipas saj kjo ngjarje është një akt terrori policor dhe veprim mafioz, ndërsa ka kërkuar lirimin e menjëhershëm të Kapos.
Deklarata e plotë:
Një akt i hapur terrori policor dhe veprim mafioz ka ndodhur sot në Kombinat. Një patrullë policie ka ndaluar në mesditë Ernest Kapon, pa shpjegime, pa arsye dhe në mënyrë të paligjshme.
Ndalimi i tij nuk ka qenë i rastësishëm. Sot në mëngjes një patrullë e Komisariatit 6 është shfaqur në banesën e z. Kapo, duke i kërkuar që të mos dalë në protestën e sotme të opozitës në orën 19.00.
Disa orë më vonë policë të të njëjtit Komisariat e kanë ndaluar në Kombinat, kur ka dalë nga shtëpia për punët e veta si çdo qytetar.
Ndalimi i z. Kapo është alarmant dhe i papranueshëm, jo vetëm si cënim i të drejtave dhe lirive të qytetarëve, por edhe për faktin se ai ka probleme shëndetësore.
Partia Demokratike e dënon me ashpërsinë më të madhe këtë akt banditesk të policisë politike të Edi Ramës dhe hyzmeqarëve të tij, dhe kërkon lirimin e menjëhershëm të z. Kapo.
Asnjë përpjekje mafioze nuk e ndal opozitën të demonstrojë në Tiranë dhe në të gjithë vendin. Përpjekjet për frikësim të opozitës dëshmojnë frikën që ka kapur narko-qeverinë.
Ne u bëjmë thirrje qytetarëve të Kombinatit, Tiranës dhe gjithë Shqipërisë, të na bashkohen në orën 19.00, edhe në emër të Ernestit dhe të gjithë atyre që policia dhe qeveria i përndjekin, intimdiojnë, mbitaksojnë, u bien në qafë dhe nuk i mbrojnë, siç është detyrimi i çdo qeverie për çdo qytetar.
