Detaje të reja po dalin nga procesi gjyqësor për vdekjen e Diego Maradonës, ku shtatë anëtarë të ekipit të tij mj...
SPORT
Real Madrid, Jose Mourinho vendos rregulla të reja për futbollistët, ja për çfarë bëhet fjalë…
PiranjatPërditësimi i fundit 8 Gusht 2026, 08:39
Jose Mourinho u kthye te Reali i Madridit me synimin që të kthejë Los Blancos te fitoret e trofeve. Në momentin që portugezi erdhi vëzhgoi, analizoi dhe vendosi të bëjë disa ndryshime pasi e kuptoi se në Valdebebas u bë e nevojshme që të vihen kontroll dhe norma të reja.
Dhe e gjithë kjo për të pasur më shumë kontroll dhe jo vetëm në stërvitje, por në gjithçka që lidhet me jetën e një futbollisti, gjithçka që mund ta prekë.
Mënyra e të ushqyerit rikuperimi nga dëmtimet dhe madje edhe përpikmëria në stërvitje janë disa prej aspekteve që janë pjesë e rregullave të trajnerit 63 vjeçar, rregulla që nuk duhen aplikuar me forcë, por me bindje dhe vendosmëri.
Gjithçka nis nga kuzhina dhe figura e nutricionistit nuk është thjesht si një këshillues, por ai do të përcaktojë menunë e futbollistëve.
Nëse më parë kishte më shumë liri gastronomike te Reali i Madridit, tani kjo nuk ekziston më dhe për momentin kjo gjë nuk ka shkaktuar pakënaqësi në ekip, përkundrazi është krejtësisht e kundërta
Në këtë aspekt nuk aplikohet masa me gjobë. Në fakt nëse lojtarët vijnë me vonesë do të detyrohen të stërviten veçmas në palestër, larg nga stërvitja në grup. Po kështu është e detyrueshme ardhja në Valdebebas, 1 orë përpara orarit të përcaktuar. Kush nuk e respekton këtë rregull, do të ndëshkohet pa asnjë përjashtim.
Dhe në fund çështja e dëmtimeve. Procesi i rikuperimit duhet bërë në Valdebebas. Edhe pse do të punohet me përgatitës personalë, ajo do të ndodhë në qendrën sportive të klubit në mëngjes dhe pasdite. Nuk do të ketë trajtime nga jashtë dhe gjithçka do të jetë në marrëveshje me klubin dhe ekipin e tij të përgatitësve. Rekuperimi nga dëmtimi nuk është diçka individuale dhe tani është akoma më kolektive dhe më e monitoruar se kurrë.
