Real Madridi pret lëvizjen e Manchester Cityt për të bërë realitet transferimin e Rodrit

Real Madridi vazhdon të interesohet për Rodrin, por transferimi i mesfushorit spanjoll mbetet i bllokuar për momentin për shkak të kushteve të Manchester Cityt.

Sipas raportimeve, klubi anglez dëshiron fillimisht të sigurojë zëvendësuesin e Rodrit, me Ayyoub Bouaddi të Lille që shihet si objektivi kryesor.

Vetëm pasi të finalizohet afrimi i 18-vjeçarit francez, Manchester City pritet të hapë rrugën për negociatat me Real Madridin.

Rodri, i cili ka kontratë me Cityn deri në vitin 2027, raportohet se dëshiron rikthimin në La Liga dhe një transferim në “Santiago Bernabeu”. Real Madridi e vlerëson kartonin e tij rreth 50 milionë euro, ndërsa City kërkon afërsisht 60 milionë.

Jose Mourinho e konsideron Rodrin një përforcim të rëndësishëm për mesfushën e Real Madridit, ndërsa paraqitjet e spanjollit me kombëtaren në Botërorin 2026 kanë bindur drejtuesit madrilenë për gjendjen e tij fizike dhe sportive.

Nëse Manchester City arrin marrëveshje për Bouaddin, Real Madridi pritet të formalizojë ofertën për Rodrin dhe të tentojë ta mbyllë transferimin para fillimit të sezonit të ri.