Grupi hetimor pritet të marrë sërish në pyetje 24-vjeçaren Rozalinda Plaka, e cila u mbajt peng për disa orë nga ish-part...
SPORT
Rikthimi i Çalhanoglu, Inter gati ti ofrojë rinovimin, ëndrra e merkatos mbetet Nico Paz
PiranjatPërditësimi i fundit 9 Prill 2026, 12:46
Inter gjen sërish ritmin me rikthimin e Hakan Çalhanoğlu, një nga lojtarët kyç të mesfushës zikaltër. Kur ai mungon, diferenca ndihet; kur është në fushë, skuadra ndryshon fytyrë.
I motivuar edhe nga kualifikimi i Turqisë për Botëror, Çalhanoğlu mori në dorë drejtimin e lojës ndaj Romës, duke qenë vendimtar me golin e avantazhit 2-1, një moment që mund të peshojë shumë në garën për titull.
Pavarësisht një sezoni të vështirë me dëmtime – që e kanë mbajtur jashtë në shumë ndeshje – mesfushori turk ka arritur të shënojë 10 gola, duke konfirmuar rëndësinë e tij për skuadrën e drejtuar nga Cristian Chivu. Drejtuesit zikaltër po mendojnë për rinovimin e kontratës, edhe pse me kushte ekonomike më të ulëta, ndërsa interesi nga Galatasaray duket se është ftohur.
Në të njëjtën kohë, Inter vijon të monitorojë merkaton për të ardhmen. Emri i Nico Paz mbetet në listë, por transferimi i tij duket shumë i vështirë. Talenti argjentinas, aktualisht te Como, është i lidhur ngushtë me Real Madrid, që ka të drejtën ta rikthejë dhe planifikon ta integrojë në skuadrën e parë.
Për momentin, zikaltërit janë të përqendruar te objektivat aktualë, ndërsa Paz pritet të mbetet më shumë një kundërshtar sesa një përforcim i mundshëm për sezonin e ardhshëm.
Pas tre vitesh në krye të sektorit teknik te Federata Shqiptare e Futbollit, italiani Fulvio Pea ka njoftuar zyrtarisht largimin nga detyra, duke ve...
