Një pasdite e qetë vere u kthye në dramë në liqenin e Vico-s, një nga zonat më piktoreske vullkanike në rajonin e Tusc...
SPORT
SHBA i refuzon vizën tifozit simbol të RD Kongos, në stadium shfaqet një figurë kartoni me portretin e tij
PiranjatPërditësimi i fundit 28 Qershor 2026, 19:02
Një histori e pazakontë ka tërhequr vëmendjen gjatë Kupës së Botës, pasi Michel Kika Mboladinga, tifozi më i njohur i Republikës Demokratike të Kongos, nuk arriti të ishte i pranishëm në tribunat e stadiumit për ndeshjen vendimtare ndaj Uzbekistanit, e zhvilluar në Atlanta.
I njohur nga të gjithë me nofkën “Lumumba”, ai nuk mori vizën për të hyrë në Shtetet e Bashkuara, duke humbur mundësinë për të mbështetur nga afër kombëtaren e tij në një nga sfidat më të rëndësishme të turneut.
Megjithatë, mungesa e tij nuk kaloi pa u vënë re. Tifozët kongolezë gjetën një mënyrë origjinale për ta pasur “të pranishëm” në stadium, duke vendosur në tribunë një figurë kartoni me përmasat reale dhe portretin e Lumumbës.
Pamjet u bënë shpejt virale në rrjetet sociale, ndërsa shumë tifozë e konsideruan gjestin si një simbol të mbështetjes së palëkundur për ekipin kombëtar.
Sipas shumë komentuesve, figura prej kartoni duket se solli edhe fat, pasi kombëtarja e Republikës Demokratike të Kongos arriti rezultatin e dëshiruar, duke bërë që “Lumumba”, edhe pse në mënyrë simbolike, të ishte pjesë e festës së tifozëve afrikanë.
