Ditën e sotme dollari amerikan në blerje do të këmbehet me 78.7 lekë, në shitje me 79.7 lekë.
Euro do të blihet me 91...
SPORT
“Shpërthimet vullkanike” të Lamine Jamal, kamerat do ta vëzhgojnë sërish kundër Atletikos në Champions
PiranjatPërditësimi i fundit 6 Prill 2026, 11:58
I vëzhguar nga kamera të panumërta sa herë që shkel në një fushë futbolli, shpërthimi i fundit i Lamine Jamal ishte krejtësisht i papritur.
Madje e zuri në befasi edhe Hansi Flik, i cili u shtang kur pa numrin 10 të kalonte pranë tij, dukshëm i mërzitur, dhe bëri disa komente pikërisht kur skuadra e tij kishte bërë një hap të rëndësishëm më afër titullit të ligës fitoren 2-1 kundër Atletiko Madrid në Metropolitano.
“Ishim në dhomën e zhveshjes dhe gjithçka është në rregull”, u përpoq Flik ta qetësonte situatën pas ndeshjes. Megjithatë, skena ishte e habitshme dhe u ofruan shumë shpjegime, nga një mosmarrëveshje me një nga shokët e tij të ekipit deri te një përplasje me lojtarët e Atletikos. Ishte e qartë se diçka po e shqetësonte Laminen. Kur Levandovski golin e fitores, ai nuk festoi me pjesën tjetër të ekipit.
Realiteti është se Lamine ishte përsëri vendimtar gjatë ndeshjes. Ai shkaktoi kartonin e kuq të Niko Gonzales në pjesën e parë, megjithatë, në të dytën, hasi probleme me mbrojtjen e Atletikos. Ndoshta ky zhgënjim, ose mungesa e saktësisë së shokëve të tij të ekipit kur ai i kërkoi ata, e mposhtën.
Edhe pse zakonisht qetësohet në dhomën e zhveshjes, ai ka treguar disa herë këtë sezon se nuk dëshiron të zëvendësohet. Kohët e fundit, ai ishte dukshëm i mërzitur në ndeshjet kundër Levantes dhe Rajos. Episodi është i përsëritur, megjithëse është gjithashtu e vërtetë se shpërthimi i tij zakonisht qëndron në fushë.
Lamine ka arritur në një nivel ku është e vështirë për të, të mos jetë në qendër të vëmendjes për absolutisht gjithçka. Të martën e kaluar, ai e gjeti veten në mes të brohoritjeve të mjerueshme islamofobike në Cornellà. Reagimi i tij të nesërmen ishte shembullor. Sezoni ka pasur episode të tjera të ndërlikuara, nga një lloj polemike në festën e tij të 18-të të ditëlindjes deri te thirrjet dhe tërheqjet e tij nga skuadra kombëtare për shkak të problemeve me pubalgjinë. Të mërkurën kamerat do ta vëzhgojnë sërish në ndeshjen e Championsit kundër Atetikos.
