16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
Shqetësim te Barcelona para transfertës në “Mestalla”/ Lamine Yamal mungon në seancën e fundit stërvitore
PiranjatPërditësimi i fundit 5 September 2026, 19:38
Barcelona ka marrë një sinjal shqetësues para transfertës me Valencian, pasi Lamine Yamal nuk ka marrë pjesë në seancën e fundit stërvitore të skuadrës.
Mungesa e sulmuesit spanjoll ka ngritur pikëpyetje për gatishmërinë e tij për sfidën e së dielës në “Mestalla”.
Yamal nuk u bashkua me pjesën tjetër të skuadrës në stërvitjen kolektive, ndërsa Hansi Flick duhet të vlerësojë gjendjen e tij përpara se të marrë vendimin përfundimtar.
Barcelona do të përballet me Valencian të dielën në orën 16:15, në një transfertë të rëndësishme për kampionët spanjollë.
Për Flick, prania e Yamalit është një çështje që kërkon vlerësim deri në momentin e fundit, duke pasur parasysh rolin që 18-vjeçari ka në formacionin katalanas.
Raportimet e fundit nga Spanja bëjnë me dije se Yamal ka marrë një goditje të lehtë dhe ka punuar veçmas nga grupi.
Flick ka lënë të hapur mundësinë që lojtari të jetë pjesë e skuadrës ndaj Valencias, ndërsa vendimi nëse do të nisë nga minuta e parë do të merret pas vlerësimit të gjendjes së tij.
Barcelona e ka nisur sezonin me tri fitore në tri ndeshjet e para të La Ligës dhe kërkon të ruajë ecurinë pozitive edhe në transfertën ndaj Valencias.
