16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
Skandal në Rumani/ Policia hyn me forcë në shtëpinë e futbollistit dhe e dërgojnë në psikiatri
PiranjatPërditësimi i fundit 17 September 2026, 19:09
Një ngjarje e pazakontë ka tronditur futbollin rumun, me protagonist 23-vjeçarin Octavian Popescu, dikur i konsideruar si një prej talenteve më të mëdha të vendit.
Sipas mediave rumune, futbollisti i FCSB-së nuk iu përgjigj për disa ditë telefonatave të familjarëve dhe njerëzve të klubit. Për këtë arsye, policia dhe zjarrfikësit shkuan në apartamentin e tij dhe hynë me forcë pasi nuk morën përgjigje.
Popescu u gjet brenda së bashku me një person tjetër. Mediat raportojnë se në banesë kishte tullumbace dhe dyshohet se mund të ishte përdorur oksid azoti, i njohur si “gazi i të qeshurës”. Këto detaje nuk janë konfirmuar zyrtarisht.
Pas ndërhyrjes, Popescu iu nënshtrua një kontrolli mjekësor dhe më pas u dërgua në spitalin psikiatrik “Alexandru Obregia” në Bukuresht për vlerësim.
Drejtori sportiv i FCSB-së, Mihai Stoica, i cilësoi raportimet si thashetheme dhe tha se bëhej fjalë për një çështje personale. Ndërkohë, pronari i klubit, Gigi Becali, konfirmoi se futbollisti ishte shoqëruar me persona që klubi i konsideronte si ndikim negativ.
Pak kohë më vonë, Popescu u huazua te Levadiakos në Greqi, ndërsa FCSB i zgjati kontratën, duke lënë të hapur mundësinë e rikthimit të tij.
