Transportonte 1 ton e gjysmë kokainë, arrestohet futbollisti serb

Një operacion spektakolar i policisë portugeze bëri të mundur arrestimin e Uros Milosevic, një futbollist serb, i cili drejtonte një furgon në autostradën A6. Në automjetin e drejtuar nga 31-vjeçari Miloseviç, u gjetën më shumë se një ton e gjysmë kokainë, me vlerë mbi 70 milionë euro, si dhe armë lufte. Kjo ishte një goditje e fortë për atë që konsiderohet “Karteli i Ballkanit”.

Milosevic jo vetëm që po transportonte një sasi të madhe kokaine, por, sipas raporteve të policisë, ai kishte edhe dy armë ushtarake në automjet që ishin gati për përdorim. 

Edhe pse emri i tij nuk është shumë i njohur për publikun e gjerë të futbollit, Milosevic luajti për disa klube të njohura serbe gjatë karrierës së tij.