Venezia siguron Albion Rrahmanin për 7.5 milionë euro

Sulmuesi i Kosovës, Albion Rrahmani, pritet të bëjë hap të rëndësishëm në karrierë duke u transferuar në futbollin italian.

Sipas “Football Italia”, Rrahmani do t’i bashkohet skuadrës së Venezias, pasi tashmë klubi italian ka finalizuar marrëveshjen me Spartën e Pragës për transferimin e tij.

Mësohet se Venezia do të paguajë 7.5 milionë euro për kartonin e qendërsulmuesit, ndërsa edhe 2 milionë euro të tjera janë të përfshira në formë bonusesh.

25-vjeçari është pjesë e Spartës së Pragës që nga viti 2024, kur u transferua nga Rapid Bukureshti për 5 milionë euro.

Në edicionin 2025/26, Rrahmani ka zhvilluar 49 ndeshje, ku ka realizuar 16 gola dhe ka dhënë 4 asistime.