Video/ Festimi i tij bëhet viral, reagimi i Mourinhos pas golit që i siguroi tre pikët Realit

Real Madridi mundi Espanjolin 2-1 në ndeshjen e tyre zyrtare hapëse të La Ligës, në fitore dramatike falë një goli nga Karlos Espi në minutën e 90-të.

Goli u festua me të madhe në fushë, por edhe në stolin e Real Madridit. Dhe në atë stol ishte Murinjo i cili riktheu veten e tij të zakonshme kur erdhi puna për të festuar golin.

Trajneri portugez nuk hezitoi të vraponte dhe të bënte një gjest me krahët për të festuar, duke kujtuar festime të tjera nga karriera e tij.

Espi dhe Murinjo nuk hezituan të përqafoheshin pas ndeshjes, dhe trajneri portugez rrëfeu se të dy jetojnë në Valdebebas dhe ndajnë mëngjesin, drekën dhe darkën.

“Ai është një djalë shumë qesharak. Ne jetojmë së bashku në Valdebebas. Mëngjes së bashku, drekë së bashku, darkë së bashku. Stafi im, ai dhe Kuku. Ai është një djalë shumë qesharak, imagjinoni,” tha Murinjo.