Numri i aksidenteve rrugore në Shqipëri ka vijuar të rritet gjatë vitit 2026, duke arritur në 1,090 aksidente në periudh&eu...
SPORT
VIDEO/ Përplasje të dhunshme mes tifozëve të Bajern dhe Shtutgart, arrestohen dhjetëra persona! Lëndohen dhe policë
PiranjatPërditësimi i fundit 19 April 2026, 19:21
Përplasje të dhunshme mes tifozëve të organizuar të Bayern Munich dhe Stuttgart kanë ndodhur jashtë stadiumit “Allianz Arena” në Mynih, vetëm pak orë para derbit mes dy skuadrave.
Sipas raportimeve, rreth dy orë para fillimit të ndeshjes, grupe tifozësh u përplasën pranë zonës së takimit afër stadiumit. Thuhet se tifozë të Stuttgart sulmuan fillimisht anëtarë të grupimeve të Bayern-it, duke shkaktuar reagim të menjëhershëm dhe përshkallëzim të situatës.
Incidentes en la previa del Bayern – Stuttgart.
Un grupo de Ultras del Stuttgart atacó a varios aficionados del Bayern en la previa del encuentro que se jugará en menos de una hora.
Tensioni u rrit shpejt, me qindra tifozë të Bayern-it që u përfshinë në përleshje, disa prej tyre me fytyra të mbuluara. Brenda pak minutash situata doli jashtë kontrollit.
Në vendngjarje ndërhynë forca të shumta policore, me mbi 100 efektivë që u përpoqën të ndanin palët. Gjatë përplasjes u plagosën dy policë, ndërsa rreth 100 persona u arrestuan. Sipas autoriteteve, disa nga të ndaluarit kishin udhëtuar drejt Mynihut posaçërisht për të marrë pjesë në incidentet e dhunshme.
Grupi i organizuar i tifozëve të Stuttgartit “Commando Cannstatt 1997” njoftoi më pas se, për shkak të ndërhyrjes së madhe policore, nuk do të ishte e mundur prania e tyre e organizuar në stadium.
Policia e Mynihut konfirmoi përplasjet, duke bërë të ditur se situata është vënë nën kontroll dhe hetimet ndaj rreth 100 personave po vazhdojnë në bashkëpunim me prokurorinë.
