VIDEO/ Tre gola në dy ndeshje për talentin shqiptar

Armend Muslika vazhdon formën e shkëlqyer me Tottenham U18, duke gjetur sërish rrugën e rrjetës.

Talenti shqiptar i dha avantazhin Tottenhamit ndaj Birmingham City që në minutën e 3-të, duke shënuar një tjetër gol për skuadrën londineze.

Ky ishte goli i tretë i Muslikës në dy ndeshjet e fundit, një tregues i momentit të mirë që po kalon sulmuesi shqiptar te grupmoshat e Tottenhamit.

Muslika ka marrë një shtysë të rëndësishme në karrierën e tij gjatë kësaj vere, pasi vetëm pak javë më parë firmosi kontratën e tij të parë profesionale me Tottenhamin.

Paraqitjet e fundit janë një tjetër sinjal pozitiv për talentin shqiptar, i cili po tregon se mund të jetë një emër për t’u mbajtur në vëmendje në akademinë e klubit anglez, por edhe për ekipin Kombëtar shqiptar.