Në tregun e këmbimit valutor shqiptar, një dollar amerikan do të blihet sot me 81.6 lekë dhe do shitet me 82.6 lekë.
Ndërk...
SPORT
Vijon “telenovela” Icardi-Wanda, futbollisti mund ish-partneren në gjykatë: Nuk është i detyruar të paguajë më miliona
PiranjatPërditësimi i fundit 28 Korrik 2026, 22:48
Ndarja mes Mauro Icardit dhe Wanda Narës ka marrë një tjetër kthesë, këtë herë në sallën e gjyqit. Gjykata e Milanos ka rrëzuar kërkesën e showgirl-it argjentinas për një pagesë të përkohshme të konsiderueshme financiare gjatë procesit të divorcit. Vendimi, i firmosur nga gjyqtarja Anna Cattaneo, argumenton se situata ekonomike dhe të ardhurat e Wanda Narës janë tashmë “shumë të shëndetshme” dhe se ajo është “e re, me aftësi profesionale dhe plotësisht e aftë për të gjeneruar të ardhura në mënyrë të pavarur”.
Ky vendim konsiderohet një fitore e parë ligjore për sulmuesin e Galatasarayt, ndërsa ish-çifti pret vendimin përfundimtar të divorcit. Megjithatë, marrëdhënia mes tyre mbetet shumë e tensionuar, me akuza të ndërsjella, përplasje publike dhe beteja ligjore.
Icardi feston vendimin: “U hodh poshtë kjo çmenduri”Vetë Mauro Icardi reagoi në rrjetet sociale pas vendimit të gjykatës, duke shprehur kënaqësinë e tij për zhvillimin e çështjes në Itali.Në një postim në Instagram, futbollisti pretendoi se ndaj tij ishte kërkuar të paguante shuma shumë të larta gjatë procesit të divorcit.
“Mirëmëngjes, Milano. Vetëm lajme të mira nga kjo anë. Ka një rezolutë të re. Pasi më është kërkuar të paguaj 250 mijë euro në muaj për ish-bashkëshorten time, 65 mijë euro për secilën nga vajzat e mia dhe 100 mijë euro në muaj për divorcin, gjyqtari e hodhi poshtë këtë çmenduri”, shkroi Icardi.
Ai shtoi se kundërshtimet ndaj vendimit nuk ndryshuan rezultatin dhe se sipas tij drejtësia italiane kishte dhënë një përgjigje të qartë.
“Hapi i fundit drejt dekretit përfundimtar të divorcit mungon. Falënderoj Zotin që sistemi italian i drejtësisë funksionon”, deklaroi sulmuesi argjentinas.
Një ndarje që u kthye në një telenovelë publike
Historia e dashurisë mes Icardit dhe Wanda Narës ka qenë prej vitesh një nga më të ndjekurat në botën e futbollit dhe showbiz-it. Marrëdhënia e tyre, e nisur mes shumë polemikash, u shoqërua me luks, udhëtime, jetë publike në rrjetet sociale dhe kriza të vazhdueshme. Pas më shumë se një dekade së bashku, çifti u përfshi në një betejë të gjatë emocionale, ligjore dhe financiare, me akuza të ndërsjella dhe debate që shpesh u bënë publike.
Ndërkohë, Icardi ka nisur një kapitull të ri sentimental me China Suárez, ndërsa Wanda Nara vazhdon përballjen ligjore për mbylljen përfundimtare të martesës së tyre.
