16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SPORT
Vlerësim maksimal për Shpendin/ Mançini: Është sulmuesi më i mirë në Serinë B
PiranjatPërditësimi i fundit 5 September 2026, 15:42
Kristian Shpendi ka marrë një vlerësim të rëndësishëm nga drejtori sportiv i Çezenës, Andrea Mançini. Ai e ka cilësuar sulmuesin shqiptar si lojtarin më të mirë në Serinë B, teksa klubi italian ka vendosur ta mbajë në skuadër.
Mançini ka kujtuar se Çezena nuk kishte plan ta shiste Shpendin, edhe pse sulmuesi kishte tërhequr interes në merkato. 23-vjeçari ka kaluar shifrën e 10 golave në Serinë B në dy sezonet e fundit, çka e kishte bërë një emër të kërkuar në treg.
“E thashë që në fillim se Çezena nuk do të kishte nevojë ta shiste, dhe sidomos të mos e shiste me zbritje. Shpendi ishte një lojtar që e dinim se mund të ishte tërheqës në treg”, tha Mançini.
Sulmuesi ishte pranë një transferimi te Kremoneze, por marrëveshja nuk u finalizua. Sipas Mançinit, klubi nuk mori asnjë ofertë që të përputhej me vlerësimin që Çezena kishte për Shpendin.
“Jemi të kënaqur që Kristiani qëndroi, sepse personalisht e konsideroj atë sulmuesin më të mirë në Serinë B. Kjo do të thotë se po fillojmë me një avantazh”, tha drejtori sportiv i Çezenës.
Shpendi do të vijojë kështu aventurën me Çezenën, ndërsa klubi italian shpreson që sulmuesi shqiptar të vazhdojë të jetë një nga pikat kryesore të ekipit.
