Zbulohet çfarë ndodhi mes Jude Bellingham dhe Valentin Barco pas eliminimit të Anglisë

Pamjet e reja të publikuara pas humbjes së Anglisë ndaj Argjentinës kanë nxitur debat në rrjet, pasi tregojnë një përplasje mes Jude Bellingham dhe Valentin Barco në përfundim të ndeshjes.

Incidenti ndodhi menjëherë pas vërshëllimës finale, kur lojtarët argjentinas po festonin kualifikimin. Në video, mesfushori i Real Madridit shihet duke iu afruar Barcos dhe duke e goditur në fytyrë, përpara se situata të përshkallëzohej me shtyrje dhe debate mes futbollistëve të të dyja skuadrave.
Sipas mediave britanike, tensioni kishte nisur më herët gjatë ndeshjes. Edhe pse nuk u aktivizua, Valentin Barco kishte provokuar futbollistët anglezë duke vrapuar drejt pankinës së tyre për të festuar golin e barazimit të Enzo Fernandez. Arbitrat dhe stafi u detyruan ta largonin për të shmangur përplasjet.
Në fund të takimit, Bellingham duket se reagoi ndaj atij episodi, çka çoi në konfliktin mes dy lojtarëve. Në sherr u përfshinë edhe Morgan Rogers dhe disa futbollistë argjentinas, ndërsa portieri rezervë i Anglisë, Dean Henderson, ndërhyri për të qetësuar situatën.
Në fushë, Anglia kishte kaluar e para në avantazh me Anthony Gordon, por Argjentina përmbysi rezultatin falë golave të Enzo Fernandez dhe Lautaro Martinez, duke siguruar kualifikimin në finale.
Pas ndeshjes, trajneri i Anglisë, Thomas Tuchel, mbrojti zgjedhjet e tij taktike dhe vlerësoi paraqitjen e skuadrës.
"Skuadra dha gjithçka dhe ishte shumë pranë fitores. Në ato rrethana ishte ndoshta një nga ndeshjet tona më të mira. Nuk kam pendesa për vendimet që mora. Treguam karakter gjatë gjithë turneut, por këtë herë nuk ia dolëm të kalonim më tej", deklaroi tekniku anglez./Përktheu Piranjat News