Studentët kanë marshuar sot në rrugët e Tiranës, ndërsa janë ndalur te Fakulteti i Ekonomikut, ku iu kanë bërë...
SPORT
Zyrtare: Benzema largohet nga Al-Hilal, francezi bëhet lojtar i lirë
PiranjatPërditësimi i fundit 31 August 2026, 14:13
Karim Benzema i ka dhënë fund aventurës së tij te Al-Hilal, pasi klubi saudit ka njoftuar zyrtarisht ndërprerjen e kontratës me sulmuesin francez.
Al-Hilal ka arritur marrëveshje me Benzeman për shkëputjen e kontratës, duke e lënë 38-vjeçarin pa klub dhe të lirë për të vendosur për hapin e radhës në karrierë.
Benzema iu bashkua Al-Hilalit vetëm gjashtë muaj më parë, por tashmë aventura e tij në klubin saudit ka përfunduar.
Tani, ish-fituesi i Topit të Artë pritet të shqyrtojë mundësitë për të ardhmen. Dy alternativat kryesore janë vazhdimi i karrierës në një tjetër klub të Arabisë Saudite ose pensionimi nga futbolli.
Sipas gazetarit Fabrizio Romano, rikthimi i Benzemas në futbollin evropian nuk është në opsion. Kështu, nëse francezi vendos të vazhdojë të luajë, destinacioni i tij pritet të jetë sërish Arabia Saudite.
Benzema ka pasur një karrierë të jashtëzakonshme, veçanërisht gjatë periudhës së tij te Real Madridi. Me klubin spanjoll, ai shënoi 354 gola, fitoi pesë trofe të Ligës së Kampionëve dhe në vitin 2022 u shpall fitues i Topit të Artë.
Largimi i tij nga Al-Hilal vjen në një moment kur klubi saudit ka përforcuar repartin ofensiv me sulmuesin anglez Ollie Watkins.
Tashmë mbetet për t’u parë nëse Benzema do ta mbyllë karrierën e tij të lavdishme apo do të vazhdojë të luajë në futbollin saudit.
