Kancelari gjerman Friedrich Merz ka deklaruar se presidenti i ardhshëm i Gjermanisë duhet të jetë një grua.
“Do t’i propozo...
SPORT
Zyrtare/ Çelsi nënshkruan me Honest Ahanor
PiranjatPërditësimi i fundit 1 September 2026, 15:21
Chelsea ka zyrtarizuar transferimin e mbrojtësit të ri italian, Honest Ahanor, nga Atalanta.
Klubi londinez ka arritur marrëveshje për transferimin e 18-vjeçarit, në një lëvizje që raportohet t’u ketë kushtuar “Bluve” rreth 40 milionë funte, ose afërsisht 46 milionë euro.
Chelsea ka konfirmuar se Ahanor do t’i bashkohet zyrtarisht klubit në vitin 2027.
“Marrëveshja është arritur për nënshkrimin me lojtarin italian Honest Ahanor nga skuadra e Serie A, Atalanta, me mbrojtësin që zyrtarisht do t’i bashkohet ekipit në vitin 2027”, thuhet në njoftimin e klubit.
Pas finalizimit të marrëveshjes, Ahanor do të vazhdojë zhvillimin e tij në Premier League, pasi pritet t’i bashkohet Crystal Palace në formë huazimi deri në fund të sezonit.
Ahanor kaloi te Atalanta nga Genoa në korrik të vitit 2025 dhe pati një sezon të parë mbresëlënës në Bergamo, duke regjistruar 35 paraqitje.
Paraqitjet e tij të mira në nivel klubi i siguruan edhe një vend në kombëtaren italiane, për të cilën bëri dy paraqitjet e para me ekipin senior në muajin qershor.
Chelsea vazhdon kështu strategjinë e investimit te talentet e rinj, ndërsa Ahanor shihet si një prej mbrojtësve me potencial të madh për të ardhmen.
