Vrasje me thikë në Shkodër, policia: I mitur ndërroi jetë në spital, autori ende i paidentifikuar

vendngjarja

SHKODËR- Policia ka reaguar lidhur me vrasjen e regjistruar pak më herët në qytetin e Shkodrës. Ngjarja mësohet se ka ndodhur rreth orë 19:30, në zonën e Fermentimit, në lagjen “Skenderbeg”.

Dyshohet se gjatë një konflikti për motive të dobëta, 15-vjeçari është qëlluar me thikë nga një person ende i paidentifikuar. 

Si pasojë e plagëve të marra i mituri, po ashtu ende i paidentifikuar, ka ndërruar jetë në spitalin rajonal të Shkodrës. Policia po punon për identifikimin dhe kapjen e autorit.

NJOFTIMI I POLICISË: 

Rreth orës 19:30, në zonën e Fermentimit, në lagjen “Skenderbeg”, dyshohet se gjatë një konflikti për motive të dobëta, një shtetas ende i paidentifikuar ka dëmtuar me mjet prerës (thikë), një të mitur 15-vjeç, i cili si pasojë e plagëve të marra ka ndërruar jetë në Spitalin Rajonal Shkodër.

Shërbimet e Policisë kanë shkuar menjëherë në vendngjarje ku po punojnë për identifikimin dhe kapjen e autorit.

 Ndërkohë, vijon puna e grupit hetimor, për sqarimin e plotë të rrethanave të ngjarjes.

vrasje ne shkoder