Prostitucion në qendër masazhi në Tiranë, arrestohet menaxherja, në kërkim administratori 19-vjeçar

Foto ilustruese

TIRANË - Një qendër masazhi që ushtronte veprimtarinë e prostitucionit është zbuluar nga Policia në rrugën "Nikolla Jorgo", në Tiranë. Si rezultat janë vënë në pranga menaxherja dhe punonjësja e qendrës, ndërsa janë proceduar penalisht tre persona të tjerë të implikuar në këtë veprimtari. Gjithashtu është shpallur në kërkim edhe një 19-vjeçar, që rezulton të jetë pronari që përshati qendrën e masazhit për prostitucion.

Policia njofton se gjatë hetimeve të kryera ka rezultuar se, 19-vjeçari M. M., administronte një qendër masazhesh, në rrugën "Nikolla Jorgo", me menaxhere shtetasen M. K., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.

Njoftimi i Policisë:

Tiranë/Finalizohet nga Seksioni për Hetimin e Trafiqeve të Paligjshme, operacioni policor i koduar "Fusion".

Kishte përshtatur një qendër masazhesh, për veprimtarinë e kundërligjshme të prostitucionit, shpallet në kërkim 19-vjeçari.

Vihet në pranga menaxherja e qendrës së masazheve së bashku me një punonjëse, procedohen penalisht 3 shtetas të tjerë.

Specialistët e Seksionit për Hetimin e Trafiqeve të Paligjshme, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, organizuan dhe finalizuan operacionin policor të koduar "Fusion".

Si rezultat i tij:
▪️u arrestuan në flagrancë shtetaset M. K., 26 vjeçe, (menaxherja) A. B., 19 vjeçe, (punonjëse).

▪️u proceduan në gjendje të lirë shtetaset R. S., 28 vjeçe dhe K. K., 19 vjeçe, punonjëse në qendrën e masazheve, dhe shtetasi D. O., 49 vjeç, banues në Tiranë;

▪️u shpall në kërkim shtetasi M. M., 19 vjeç.

Gjatë hetimeve të kryera ka rezultuar se, shtetasi M. M., administronte një qendër masazhesh, në rrugën "Nikolla Jorgo", me menaxhere shtetasen M. K., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.

Materialet i kaluan Prokurorisë, për veprime të mëtejshme procedurale.

qender masazhi tirane prostitucion

qender masazhi prostitucion policia