2 muaj nga vrasja e Martin Canit/ Qytetarët në protestë, babai: Ende e pazbardhur, heshtja vret më shumë, nuk ishte grup kriminal, mund të zbardhej për 3 ditë

TIRANA- Qytarët kanë protestuar sërish sot lidhur me vrasjen e 14-vjeçarit Martin Cani. Të pranishëm në protestë ishin dhe prindërit e 14-vjeçarit. Nëna e të ndjerit u shpreh shkurtimisht se mesazhet i ka dhënë dhe se do vetëm drejtësi. 

Nga ana tjetër, babai i Martin Canit thotë se ata kanë dy muaj që përjetojnë këtë dramë të madhe dhe nuk kanë asnjë reagim, as nga prokurori as nga shkolla dhe as nga shëndetësia. Ai shton se nuk kanë kaluar 2 muaj dhe nuk kanë informacion.

“Heshtja vret më shumë se gjithçka. Kemi dy muaj që e përjetojmë këtë dramë të madhe dhe nuk kemi asnjë reagim, as nga prokurori as nga shkolla dhe as nga shëndetësia, sepse Martini bëri xhiron e madhe të Tiranës duke dërguar në spitalin ushtarak për arsye se spitali ushtarak nuk kishte asnjë makineri për t'i mbajtur zemrën atij.

U bëj thirrje fëmijëve shqiptarë, të bashkohemi për kauzën. Ka ardhur fundi. Fëmija është mbi të gjitha. Nuk kam fjalë. Por përjetojmë një ngjarje tragjike, kemi një traumë të madhe. I bëj thirrje prindërve, institucioneve…sepse na ka kapur frika. Njëherë më kam shkuar në Prokurori dhe prokurorja më tha që do t'i shkojmë deri në fund. Por kanë kaluar dy muaj dhe asgjë. Nuk ishte një grup i madh i strukturuar, ajo mund të zbardhej brenda 3 ditëve”, tha babai i 14-vjeçarit.

martin cani