Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
27-vjeçarja në SHBA vrau me armë zjarri bashkëshortin dhe më pas veten/ Vëllai i 34-vjeçarit: Kishte pabesi nga ana e saj, Pajtimi donte divorcin
r.llPërditësimi i fundit 3 Dhjetor 2024, 09:53
pajtim dhe sabrina krasniqi
FLORIDA- Një krim i rëndë ka tronditur një familje shqiptare javën e kaluar në Florida të SHBA-së. Sabrina Krasniqi, 27-vjeç qëlloi për vdekje me armë zjarri bashkëshortin e saj, Pajtim Krasniqin, 34 vjeç dhe më pas vrau dhe veten. Ndërkohë po vijojnë të zbardhen detaje të reja lidhur me arsyet që sollën krimin e rëndë. Vëllai i 34-vjeçarit, Arben Krasniqi është shprehur se gjithçka ka ndodhur sepse Sabrina e tradhëtoi Pajtimin dhe se ajo kishte frikë divorcin pasi të merrej vesh kjo tradhti.
"Ne pamë shumë shenja, dhe tani gjithçka ka kuptim. Por ata ishin të dashuruar dhe kurrë në një milion vjet nuk kemi menduar se diçka e tillë mund të ndodhte. Kishte pabesi nga ana e saj. Ajo erdhi në një pikë që e rëndonte faji që thjesht nuk mund ta përballonte. Vëllai im donte divorcin dhe ajo nuk e mori lehtë. Kështu, vendosi të merrte jetën e saj dhe vendosi t'i merrte jetën vëllait tim.",është shprehur 43-vjeçari për mediat amerikane.
Fqinjët u thanë policëve se ata kishin dëgjuar debate dhe zënka të ashpra që vinin nga apartamenti i çiftit Krasniqi, rreth një javë para vrasjes. Banorët tha se ata të dy shihenin shpesh duke debatuar në ballkon dhe brenda apartamentit.
Arben Krasniqi tha se vëllai i tij 34-vjeçar, i cili u rrit në The Bronx, punonte dhe merrej me pasuri të paluajtshme dhe kriptomonedha. Ai ka treguar se familja po e vuan shumë ikjen e Pajtimit, që ishte plot jetë, ashtu si e përshkruajnë motrat e tij Albana dhe Ardiana. Familjarët e viktimës kanë treguar se i riu ishte aksidentuar para disa kohësh me motor dhe se kishte kryer 16 operacione, që doktorët mos të detyrohenin t'i prisnin këmbën nga pasojat që la askidenti.
Ngjarja e rëndë ka ndodhur në orët e para të 27 nëntorit, ku çifti u gjetën të vdekur në ballkonin e tyre. Një regjistrim i siguruar nga policia, i të shtënave me armë zjarri që shkaktoi alarmin "ShotSpotter" kapi pesë të shtëna radhazi, të ndjekura pas një pauze të shkurtër nga një e gjashtë. Pas hetimeve u zbulua se Sabrina e cila kishte punuar si modele, kishte qëlluar disa herë bashkëshortin dhe më pas veten.
