Protestuesit janë pozicionuar tek Ministria e Arsimit, pasi qëndruan paqësisht për më shumë se dy orë para kryeministris&eu...
AKTUALITET
48 orë i zhdukur nën tokë pas shembjes së masivit të kromit, kushëriri i 29-vjeçarit thirrje institucioneve: Terreni është i thyer, nuk mund të gjejmë trupin! Duhen aparatura të posaçme
n.fPërditësimi i fundit 5 Maj 2025, 13:15
KLOS- Prej dy ditësh 29-vjeçari Ardit Beshiri rezulton i humbur pas çarjes së një rezervuari uji pranë fabrikës së përpunimit të kromit në zonën e quajtur Qafë-Burrel, në Klos. Kushëriri i Beshirit, Mevlan Taraj ka apeluar për ndihmë që të ndërhyjnë institucionet shtetërore që të ndihmojnë me gjetjen e trupit të të riut.
Taraj u shpreh se trupi i tij mund të gjendet vetëm përmes aparaturave të posaçme, ndërsa theksoi se kjo ngjarje ka sjellë një tronditje të madhe në familjen e tyre. Ai theksoi se terreni i thyer e ka bërë të pamundur që trupi i pajetë i të riut të nxirret nga kërkimet që janë kryer deri më tani.
“Me sa informacione kemi dimë që është një kompani turke që ka aparaturat, por emrin nuk ja di. Kemi marrë vesh që një rast i ngjashëm ka ndodhur në Vaun e Dejës dhe e kanë gjetur trupin. Deri tani më shumë ka vullnetarë dhe disa ushtarë si dhe efektivë të policisë që po kërkojnë. Nuk mund ta gjejmë privatisht, terreni është shumë i thyer, makineritë nuk futen dot”, u shpreh ai.
